Cellbone Collagen Rejuvenating Clay Mask by Quinn@blabber

我最近太忙了, 所以冇post 好耐!
今日介紹Cellbone 呢個牌子. 我總共用了4種Cellbone 的產品, 整體都滿意!

今日的主角: Cellbone Collagen Rejuvenating Clay Mask

夏天一到就很需要去角質/死皮, 佢就係用黎去角質/死皮的mask,
同時有5%AHA 可收毛孔去印. Very good~

綠色泥狀, 聞落有唔好聞的味, 搽上面就覺得係泥草味.

初初有點乸乸地, 幾分鍾後冇事, 我估係正常.

慢慢佢乾左會愈收愈緊, 塊面唔郁得.

乾左之後用暖水+洗面棉印走D 泥. 用凍水係印唔走D 泥 (D泥用暖水比較易溶)

然後再過水.

塊面即刻乾淨, 少了不少的暗粒和黑頭. 最緊要係唔乾/冇敏感反應.

價錢:$295/ 150g (萬寧有售)

by Quinn@blabber

結婚大作戰 – 四月護膚篇 by Quinn@blabber

由於我五月尾要影婚紗相，所以四月起我己集中火力護膚！
短短的日子，己經有唔少客大讚我皮膚好左 (我不禁好奇, 我的皮膚之前真的很差??)
在此分享我平日的早晚護理。强調我的皮膚是25歲後極乾敏感皮膚！

首先晚上: (個人覺得晚間護理很重要)
Step 1: 卸妝
– Shu uemura skin purifier 黃色樽 (化全妝既日子用)
– Dr. Wu Gentle Cleansing milk with Amino Acids. (只搽防曬及BB cream時用)

Step 2: 洗面
– Mazarin with Caviar mild foam cleansing
韓國牌子既魚子精華洗面膏.

Step 3: 深層清潔/ 去角質 (可一星期1-2次, 按個人需要)
– Bioglo Enzyme Mask
上一個post 介紹過, 我會用佢敷埋頸!
– Skin Food Olive Mask
– Skin Food Ginseng Mask
當我皮膚好乾/冬天時會用, 潔力一般, 但幾潤, 一d都唔乾
– Merdiem Derma Control Detox Bubble Clear
最近經常用, 主要功效係去黑頭, 可連續使用1-2星期, 效果好work

Step 4: Toner
– Cellalive anti- age facial treatment essence
有胎盤素, 魚子精華…質地比較「杰」.
– Menard Beauness spa essence
我的最愛, 是我的神仙水, 當然也是最貴…$4xx/160ml…

Step 5: Mask
– Mask House
近期最愛…又平又貼面又有效果

Step 6: 保濕精華
– Beautycode caviar intensive serum + facial massage by my hand
由於其質地比較厚, 我只會晚間使用及配合massage 手勢, 可幫助吸收.

Step 7: 收毛孔
– Synergie Skin exfoliating serum
含有果酸的收毛孔產品. 隔日用

Step 8: B5 gel
– Bicelle Hydra B5 gel
超級保濕既B5 gel, 可能我皮膚乾, 一拍就吸收哂
加上可能我用左Synergie Skin exfoliating serum,令角質軟化左,所以皮膚更易吸收

Step 9: 美白
– Haruhada Vitamin C Activator
效果一般, 用完會轉

Step 10: Night Cream
– Beautycode caviar Night Cream

Step 11: 特別護理
呢個STEP 唔係必須, 只係有時皮膚唔知點解敏感/好乾…時先會用
– Innu Golden Oil
呢支野有齊Q10, SQUALENE, 膠原蛋白, 係急救好幫手. 平時唔會日日用, 因為太貴. $900/30ml.

早上: (簡單D,哈哈!)
Step 1: 洗面
– Mazarin with Caviar mild foam cleansing

Step 2: Toner
– Menard Beauness spa essence

Step 3: 保濕精華

– Dr. Wu 玻尿酸保濕精華
質地比較清爽, 易吸收, 保濕功效好好

Step 4: B5 gel
– Bicelle Hydra B5 gel

Step 5: Day Cream
– Nesura Caviar Self-Waterising Drop Cream
韓國的魚子精華面霜. 佢搽上面後會變水珠, 所以質地比一般面霜輕同清爽. 很適合日用.

Step 6: 防曬
– Synergie Uberzinc
能防UVA & UVB

雖然看似好誇張，但係為左以最佳狀態示人，所以絕對唔可以偷懶！
介紹完畢！大家努力~

by Quinn@blabber

假睫毛朝聖地 by Quinn@blabber

 

話說我經常「朝聖」的地方是位於銅鑼灣的一間樓上鋪。
在此也向大家介紹下，它叫「台灣美妝專門店」。
台灣多美女就人人都知道，但 到底美女用乜護膚品及化妝品呢?
呢個係一個真係好值得研究既問題。
而在台灣美妝專門店就可以找到很多台灣護膚品及化妝品，
價錢有平有貴，大家自由發掘！

 

回正題，最近我去朝聖時，哇！哇！哇！多左好多假睫毛！

 

真的有好多，有D品牌我係有用過。
e.g. 公主李，有D聽都未聽過‥但世界之大， 未聽過有幾奇？

其實仲有好多，不過不好意思一一拍攝。

今日介紹两隻我覺得幾珍奇的假睫毛：

1)      囍事 (如有錯請更正)

它有很多款式，有自然有誇張。
最特別它是標明有經過消毒殺菌的程序，一定衛生。
確实平時買假眼睫毛時，從未留意此問題，使用前也沒有在意其衛生問題。

 

2)      Furtastics 西伯利亞水貂手工睫毛

哇！水貂毛！一定珍貴, 仲一定貴….
不過它的質感非常好，可重覆10多次使用，
可能因為係真既動物毛，視覺效果極似真眼睫毛！
價錢是三百幾一對，衡量返舒服度，像真度及使用次數，
其實三百多元都唔係好貴啦～(個人意見)

真係好精美！側面睇很自然， 很美麗!!
由於本人攝影技術太差，沒有拍側面，要睇請自行去睇實物！哈哈！

 

很多人會問台灣美妝專門店和格仔箱的睫毛有何分別。
坦白說，我不懂得分真貨定假貨，也不敢說台灣美妝專門店的價錢一定平。
不過它確实得到這些睫毛品牌的獨家代理及經銷權，品質方面總有保證。
大家可上網得到更多資料: http://www.enid.com.hk

 

 

by Quinn@blabber

 

 

呻痛!! (激光脫毛篇) by Quinn@blabber

 

聲明: 這只是一篇做了激光脫毛療程後分享感受的文章！
我並不是要投訴任何美容中心，希望大家不要誤會啊。

 

話說我最近決定做激光脫毛，
而我最後選擇了一間位於銅鑼灣專門處理皮膚毛孔問題的美容中心。
我做的是腋下激光脫毛療程，價錢算ok(沒有知名品牌D公司咁貴！)
而治療師也很仔細地講解，講到明會出現的副作用， 講到明會「痛」！

 
好‥我心想反正我之前睇別人的blog都講到整個過程好好，好輕鬆。
結果………………………………….
我起初以為好似紋身那樣痛吧，
(我有紋身的，紋身的痛對我來說真的不算痛，絕可接受)
點知………………………………….

 

 

哇! 哇! 哇! 哇! 哇! 哇!哇! 哇! 哇!
好好好好好好好好痛!!!!!
因為用激光打入毛孔，真的痛得好「深入」！
簡直是「 入心入肺」！
治療師說因為毛襄是位於皮膚的底層，
所從會痛得好深入， 毛髮越粗越黑就越吸光，於是就會越痛！

 

 

自此之後， 凡是別人跟我講「打xxx唔痛架!」又或者「ok啦, 小小痛!」
我都唔會信!!!!!!!!!!!!!!!!!!!!!!!!!!!!!!!!!!!!!!!!!!

 

 

by Quinn@blabber

 

Kiehl’s Rare Earth Deep Pore Collection review by Quinn@blabber

夏天將至，令我想向大家分享可以幫助深層潔淨的產品。
這次我會介紹Kiehl’s Rare Earth Deep Pore系列！
不過由於深層潔淨產品頗乾及刺激，
所以我並沒有買Kiehl’s Rare Earth Deep Pore 的toner。
（我的皮膚也是敏感肌膚）
但我很認真將此系列其他產品用完，足足用了5個月！
能用5個月的原因，不單單是因為份量够多，
也因為我的敏感肌很麻煩，我必須確保自己的皮膚健康，
所以我才一直用用，於是者拖拖拉拉用了5個月。

 

 

這系列本來有4件產品. 除了toner 外, 有:

1. Rare Earth Deep Pore Daily Cleanser
2. Rare Earth Pore Minimizing Lotion
3. Rare Earth Deep Pore Cleansing Masque

 

Rare Earth Deep Pore Daily Cleanser :

 

佢的質地是是灰白色膏狀，帶有微粒，粒粒都頗大粒的。
但是感覺不"括"面(當然你不能大力)。
其實這些粒粒是不會融解的， 所以謹記不要死命去「摔」。
洗完面後，面部感覺軟綿綿的，好像去了不少死皮/角質，
但沒有刺激感，即沒有泛紅，乾燥，刺痛等感覺。讚好！

 

Rare Earth Pore Minimizing Lotion:

這隻lotion 的質地比較水和「白」，不過對於乾性皮膚的我，實在不够滋潤。
搽上面有種” 吉吉” 地的感覺， 我試了好多次都還是一樣，
結果沒有再用， 當然在此情況之下，更加看不到它收細毛孔的效果了～

 

Rare Earth Deep Pore Cleansing Masque

見我用到八八九九就知好用啦！
清潔力高，但又不剌激皮膚。 感覺也不乾！
用的時候記得塗厚一點， 效果會好很多。
如果真係好怕敏感的話，可以先塗一點有舒緩作用的toner作為打底。

 

坦白說，我認為真的沒有必要用一個系列。
一來這個系列是比較乾的，
二來Daily Cleanser和Cleansing Masque作用上和效果上很相似。
如果要選的話， 我會選Cleansing Masque，
但是我始終覺得用粒粒長期磨面對皮膚不好，敏感及乾性皮膚的人要考慮清楚啊！

by Quinn@blabber

 

馬來西亞skincare by Quinn@blabber

一次機緣巧合，我發現香港有馬來西亞出產的skincare。
由於價錢很便宜，甚至比台灣的skincare更便宜！
於是我買了些skincare試試！

這次試用的牌子叫Bioglo，是馬來西亞品牌。
在台灣有分公司，香港有代理商，
今次試用的產品有3種紙masks和1種cleansing mask.。

———————————————————-

1.Bioglo Enzyme Mask

話明有enzyme，那就即是可軟化角質！
確實它是深層潔淨mask，
而且它性質很温和，可作保濕之用，
它盒上的使用說明更建議敷埋落頸！

用後感:

本身冇乜香味，所以應該唔會有太多香料，而我也聞不到酒精味。
敷上面10分鍾，沒敏感反應(應該說沒什麼感覺才對)，
唯獨是洗面時, 總覺得洗極也洗不乾淨，面上好像塗了cream，
難道這就是其保濕功效？！
用後面和頸確實白，看似幾乾淨，但千年黑頭仍在。

———————————————————-

2.Bioglo Lift & Firm Eye Mask

這一盒眼膜有四片，我在短短两星期內用完。
同样也是無色無味。

用後感:
精華液並不算多，不會滴到四周圍！
紙質比厚，但都貼眼，不會移位。

———————————————————-

3.Bioglo Collagen Mask

用後感: 我發現這牌子所有的mask 都沒有膠片隔住，
要將佢分開有點困難。
紙質地算厚，感覺不太貼。
可能沒有香料，味道有點怪。
用完都有即時效果，不過不持久，
如果要比較，我會覺得我的美麗日記比較好用。

———————————————————-

4.Bioglo Pure Aloe White Radiance Facial Mask

用後感: 依然沒有膠片隔住，要將佢分開有點困難！
紙質簿過COLLAGEN MASK，但依然不够貼面。
味道還是怪怪的，不過勝在沒有酒精味。
用完未有即時變白效果，反而保濕OK~

———————————————————-

總結:
如果說包裝，方便程度，功效都屬一般。
不過價錢很平，只需$15-$30！
千真萬確！ 支Bioglo Enzyme Mask也是只需$15！
始終一分錢一分貨，大家自行考慮囉！

 

 

by Quinn@blabber

 

 

決戰暗瘡印（二）by Quinn@blabber

有朋友看完PART 1之後就立即問：
「咩牌子？」；「 邊度買？」…
其實市面上有很多含果酸水楊酸的產品，
牌子其實數也數不盡，也說沒什麼是最好的！
倒不如說說使用時注意的事項最重要！

1. 使用程序：
   洗面後用保濕成份較高的toner 抺全面，
   便可點上含果酸水楊酸的去印產品。
   再塗上保濕精華或塗一些可促進皮膚細胞更生的產品！如: Squalene
2. 果酸水楊酸的去印產品只能在晚間使用！
   因為用後的皮膚比較脆弱，不可受到陽光的刺激！
   就算成份很少，陽光的刺激會令皮膚泛紅或痕癢！
3. 其實也可隔天使用，以進一步減少對皮膚的刺激。
   不過一定要持之以恆才會有成效啊！
4. 防曬功夫一定要做足。
   暗瘡印其實是受損肌膚，很容易令黑色素積聚，令暗瘡印愈來愈深色。
   有些面膜聲稱可去印， 其實很多時只是減淡暗瘡印積聚的黑色素，
   令暗瘡印看上去淺色了，而非真正治本！
   當經過一段時間後，暗瘡印又會變回「深色」！

其實去暗瘡印要花很多時間和功夫，不過一定要有耐性才可以！
不要看輕這幾個看似簡單的注意事項啊，我相信很多人都沒留意到吧！
以後要記住了～那樣去暗瘡印就會事半功倍！

by Quinn@blabber

The Body Shop掃貨後感 by Quinn@blabber

 

 

新年過後，有錢就身痕！
入左The Body Shop 諗住買唇部的磨沙膏，結果買左一大袋野，哈哈！

用左一個多星期， 略略介紹一下及講下感受。

1. Spa Wisdom Africia Ximenia & Salt Scrub

The Body Shop 的職員叫佢做「椰油」，而且 真係好香椰子味！
D粒粒唔算粗，但唔會好快溶，可以俾你慢慢摔。
用水沖過之後，真係唔乾架喎！ (即係冇乾緊的感覺)
而且我幾鍾意佢唔快溶的效果！

2. Body Focus Toning Massage Oil

由於我有時好懶，覺得冬天沖完涼搽cream 係咁「卒卒卒」好攰！
D cream 杰杰地有時真係好難推， 所以通常冬天我都用按摩油！
因為按摩油一定夠潤，不過隻味就唔係咁好聞喇。

3. Dreams Unlimited Body Lotion

買呢支係因為我鍾意佢隻味。
佢有推出有同味香水, 不過我未有信心買Body Shop 的香水‥
呢枝Lotion 平時放係office 搽下都幾好!

4. 唇部的磨沙膏

呢個係好user- friendly 的設計！
好似用唇膏咁係個嘴上打圈就得！
不過注意唔好咁大力，要輕力D， 因為D粒粒都幾粗架！
最後用水抺走就OK，出黎既效果幾好！

5. 粉底掃

買來上粉底用，不過因為係人造毛， D毛有點膠膠地的感覺‥

6. 蜜粉掃

三支掃中最鍾意佢！
D毛唔太硬又唔太軟，而且夠濃密，又唔太「實」！
非常適合用來上幼粒既密粉，真係正野黎架！推介！

7. 平頭眼影掃

因為我有點特別既眼妝想化， 所以買左個平頭掃黎用！
有時又可以當眼線掃，而且坊間好難有平頭眼影掃，
平平地買黎用下，都OK架！

8. Illuminating Face Base

呢個其實係make up base，買佢係因為佢勝在方便！
可以做到保濕同埋令到D膚色圴匀，
唔化妝的日子可用佢！
不過個掃就”鞋”左D，我自己就頂唔順喇，所以我直接用手上。

9. Brilliance Powder

最喜歡最鍾意呢個Product！
來打算買哂兩隻色 (金色/白色)，
不過始終我地都係黃皮膚的中國人，
如果用白色會感覺比較sharp，變左好似用左閃粉咁，會好明顯！
反而金色就自然好多，又可以用黎做highlight！

小tips： 佢個掃可以伸縮，當佢伸到最盡既時候，
個掃就會變得比較軟身，D粉上面就會比較散！
如果想要做highlight的話，就只需要將個掃伸一半，就可以集中D粉喇！

個人認為真係好值得一買！

10. Tailored Cheek Tint: 01 hot pink

好得意的產品！唧出黎既時候係透明架，但當佢接觸到空氣之後就會變粉紅色！
搽上面既效果都幾自然，平時素顏都可以用，可令自己面色好D！

ps:  贈品-旅行裝化妝掃

一樣都係人造毛！好似買滿$300就送 🙂

Quinn@blabber

決戰暗瘡印(一) by Quinn@blabber

大家都覺得又白又滑的無瑕肌膚是最吸引的吧?
可是一不小心卻偏偏常被暗瘡侵襲！
有朋友問如何能有效去除暗瘡印！
哈，最有效當然是搵皮膚科醫生，做一兩次雷射便OK。
一聽到這裡，大家都不想理我了。

坦白說，實在沒有一種方法能使有暗暗瘡印的皮膚變得如絲綢般光滑。
如有，請第一時間通知我！
不過，對於減淡暗瘡印，我還是有些心得可分享。

在入正題前，先聲明一下，暗瘡印也有不同程度，
坦白說我分享的心得適合一些輕微，泛紅，略見毛孔等情況的暗瘡印；
若嚴重的是面積大，或下陷如的坑洞，則未必有顯著功效！
而這些情況，你就真的需要去找一個皮膚科醫生咨詢意見，
做一些較高濃度果酸，雷射或者什麼磨皮等療程。

在去暗瘡印前，先要確保暗瘡不會嚴重下去。
平時毛孔清潔要做足！
早上可用海鹽加微溫水洗面，達到天然消炎的效果。
晚上則可用有胺基酸成份的洗面產品，
胺基酸的粒子比例細，能深入毛孔徹底清潔。
確保平時用的毛巾和化妝棉不會刺激皮膚，
建議可用海澡和蒟蒻海綿代替手和毛巾，
洗面力度要輕！特別是對新的暗瘡印，
它們已經很脆弱，千萬不要傷上加傷！

要做到去印效果，要使用含有果酸(AHA) 和水楊酸(BHA) 的產品。
不要一聽到果酸(AHA) 和水楊酸(BHA)就怕怕，
以為一定很傷皮膚吧？
其實適量的果酸(AHA) 和水楊酸(BHA)可去死皮，軟化角質，去印淡斑。
而何為適量？
一般5%果酸(AHA) 和水楊酸(BHA)便可去印而又不刺激皮膚。

市面上有很多去印修毛孔產品都有果酸(AHA) 和水楊酸(BHA)，
由於果酸有很多種，成份上的名子會各有不同。
我的經驗來說，凡有「acid」 一字都是果酸的一種。
可是記得要睇其所佔的百分比！
1-2% 的果酸(AHA) 和水楊酸(BHA) 效果不強，會比較慢，但敏感皮膚的人適用。
3-4%或低於8%的 果酸(AHA) 和水楊酸(BHA)效果比較好，又不刺激皮膚。
高於10%的果酸(AHA) 和水楊酸(BHA)，多是皮膚科醫生處方，真的不要亂試！

好！先講到這裡。
下回再跟大家分解用果酸(AHA) 和水楊酸(BHA)要注意事項！

請留意決戰暗瘡印（二）.
有問題可以隨便留言啊！

by Quinn@blabber

情人節 by Quinn@blabber

 

 

本來打算睡覺的我，從跟好友的閒聊中，八卦了一些事情，
突然滿腦子是感慨與回憶。

已經踏入情人節，可能很多人都興奮又期待。
我也一如已往，沒太大的感覺。
不過今年感到少少不同，因為下年我便沒有情人了！
但我卻多了一個親人- 「老公」。
有人說：老公也可以是情人呀！
但對我而言，情人是短暫，激烈和不穩定。
老公是溫馨，長久和唯一的。

但坦白說，無論是激情或是感情，我們都不可以懶惰。
感情是要維繫的。這是不變的定律。
無論結婚多久夫婦，也會有點滴的浪漫在生活中！

今晚，我回想起以前是一個很差的情人。
常用很多原因令自己放棄跟情人相處的機會。
因為堅持不請假，令舊情人要約自己的爸爸看演唱會，事後還發脾氣。
因為拍拖久了，對所有節日都沒有感覺，也忘記對方的感受。
生日自己跑了去玩，任由感情變淡， 還一直懵然不知。
結果，對方到最後也無心再去維繫此段感情。

其實我一直也沒有反省過，直到今年，認識了我的未來老公。
發現原來我每一句感謝的話，愛的甜言蜜語，能令他露出甜笑；
每一個動作，每一份禮物是充滿魔力，能成為他對我好的動力。
我發現原來見到自己喜歡的人露出甜蜜的笑容，是一件很快樂的事！
那麼我還吝惜什麼呢？
我現在才知道感情是要悉心經營，絕不要給自己藉口去懶惰！

你們又為你的情人準備了什麼?
沒有特別節目也不緊要，有時一個陪伴， 一句我愛你已很足夠。

by Quinn@blabber

編輯後記：
Quinn千叮萬囑這篇文章一定要在情人節刊登，
看見了她的內容，我也不感怠慢！
現在可能有點趕不上情人節正日了，
趕不上不要緊！未來幾天嘗試去做一些補救吧！
我很認同這篇文章的說法，很多人咀吧裡都會說：感情是雙方的。
可是當你們覺得你們談戀愛談久了，什麼都不用再慶祝的同時，
對方是否又這樣想呢？
你覺得：「日日都情人節啦，使咩又慶祝？」的同時，
可能對方認為，正正因為這樣，每個節日才會更珍貴，很有意義，
因為這是你跟她的節日，是你和她的回憶，
是當你們老了以後坐在一起牽著手能回想的甜蜜往事。

如果因為情人節的事而吵了架的話，去跟她/他道個歉吧!
其實情人也沒有隔夜愁的，低聲下氣說個sorry，
就能趕上明天，手牽手跟大家一起分享這種充滿愛的節日！
blabber仝人在此同祝大家情人節快樂！天下有情人終成眷屬！

chloe@blabber